Gure baitan bilduta munduratzen gara
eta heriotzak uzten gaitu agerian, biluzik, zabal-zabal;
bitartean bakanka irristatzen zaizkigu harribitxiak.

Gustuko dut munduan eseri eta beha jartzea, nor garen asmatu nahian;
erantzuna mundua bera dela jakin arren.



Alferrik begiratuko diegu argazki zaharrei,
gu gara zahartu garenak.





Ihes egingo duzu, baina lorratza jaioko da
zure pentsamenduak urratutako bidean,
ihes egingo duzu eta ohartuko zara,
jomuga irteerako puntu bera dela.





Haize erauntsia izan zen atzo, trapu zaharrak ere astindu zituen,
gure arteko sareak, ordea, hor dirau; haizeak zuloetatik egin zuen ihes
eta gu harrapatuta gaude.



Abian da nire asmoa

Literatura eta argazkigintza uztartzeko saiakera izango da hau. Edozein aipu, ohar, iruzkin edo kritika egin nahi baduzu, ez izan beldurrik.